İşğaldan azad edilmiş ərazilərdə aparılan monitorinqlər zamanı çoxsaylı Azərbaycan qəbiristanlıqlarının vandalizmə məruz qaldığı və tamamilə dağıdıldığı müəyyən edilib.Bu barədə AMEA-nın fəlsəfə doktoru Rizvan Qarabağlı məlumat verib.Ağdam, Füzuli, Zəngilan, Kəlbəcər və Cəbrayıl rayonlarında azərbaycanlılara məxsus qəbiristanlıqlar sistemli şəkildə dağıdılıb, məzarlar məhv edilib və maddi-mədəni irs nümunələri talan olunub.Qəbiristanlıqlardakı mərmər başdaşıları sökülərək aparılıb, bürünc elementlər oğurlanıb. Həmçinin bəzi başdaşılarının Ermənistana daşındığı və üzərlərindəki yazılar silindikdən sonra yenidən satışa çıxarıldığı qeyd olunub.Araşdırmalar zamanı minlərlə qəbirin qazıldığı, qiymətli əşyaların axtarılması məqsədilə ekskavatorlardan istifadə edildiyi müəyyənləşdirilib. Nəticədə insan qalıqlarının ətrafa səpələndiyi bildirilib.Məlumata görə, Füzuli və Cəbrayıl rayonlarında bəzi qəbiristanlıqların ərazisindən hərbi təyinatlı yollar da çəkilib.

18 iyun 2026