2020-11-26 12:09

İşğal altında olmuş həm respublika, həm də yerli əhəmiyyətli bütün yollar tam təmir olunacaq və tikiləcək. Avtomobil Yolları Dövlət Agentliyinin mətbuat xidmətinin rəhbəri Anar Nəcəflinin sözlərinə görə, indi işğaldan azad edilən bəzi rayonlarda yol infrastrukturunun bərpası üzrə layihələr hazırlanır. “Gəncədən Kəlbəcər və Laçına yol çəkiləcək. Eləcə də Bərdədən Tərtərə, Tərtərdən Kəlbəcərə yol olacaq. Daha bir yol, Ağcabədidən başlayır və Hindarx-Ağdam marşrutu ilə davam edəcək. Hacıqabul-Bəhramtəpə-Horadiz-Mincivan-Ermənistan sərhədi yolunun tikintisi də nəzərdə tutulur.

Fərid Mehdiyev