Hotellərə veriləcək ulduzlar beynəlxalq platformada da tanınacaq
2020-11-30 14:09
Azərbaycanda yeni milli ulduz təsnifatı əsasında veriləcək ulduzlar beynəlxalq platformada da tanınacaq. Azərbaycan Hotel Assosiasiyasının Baş icraçı direktoru Günay Sağlamın sözlərinə görə, cari ilin oktyabr ayından etibarən Assosiasiyamız yüksək səs çoxluğu ilə "HotelStars" Birliyinin ulduz təsnifatı üzrə icraçı üzvü seçilib. Bununla da hotellərin təmin olunacağı ulduz nəinki yerli, həmçinin beynəlxalq platformada da digər Avropa hotelləri ilə birgə digital şəkildə nümayiş etdiriləcək və tanıdılacaq. Həmçinin hotellərin ulduz təsnifatlaşdırılması aparılan zamanı onların koronavirusdan qorunmaq üçün qoruyucu tədbirlərə hansı formada əməl etməsi də nəzərə alınacaq.
Nərgiz Camal