2020-12-08 14:00
"Bu gün qürur hissi ilə Heydər Əliyev Fondunun qədim Qarabağ torpağında Azərbaycan xalqının milli sərvəti olan dini abidələrimizin, məscidlərimizin bərpası üzrə layihəyə başladığını bildirmək istəyirəm. Layihə çərçivəsində yerli və xarici mütəxəssislərin iştirakı ilə bölgədəki ziyarətgahlarımızın bərpası, konservasiyası və yenidən qurulması həyata keçiriləcəkdir". Bu barədə Birinci vitse-prezident Mehriban Əliyeva rəsmi İnstaqram səhifəsində etdiyi paylaşımda bildirib. Şuşa şəhərində və Ağdam rayonunda dağıntılara məruz qalan dini ibadət yerlərinin bərpası üzrə müvafiq işlərə artıq başlanıldığını qeyd edib. Bir zamanlar ermənilərin vəhşicəsinə dağıtdığı, tövləyə çevirdiyi müqəddəs dini məkanlarımız yenidən dirçələcək və bütün Qarabağ ərazisindəki məscidlərimizdə azan səsləri eşidiləcək, dualar oxunacaq!", - deyə paylaşımda qeyd olunub.
Vüsalə Camal