Hər il sentyabrın 27-si Anım Günü, noyabrın 10-u isə Zəfər Günü kimi qeyd ediləcək
2020-12-02 14:00
Prezident İlham Əliyev sərəncamlar imzalayıb. Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd ediləcək. Xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən Vətən müharibəsində qələbənin əbədiləşdirilməsi məqsədilə hər il noyabrın 10-u ölkəmizdə Zəfər Günü kimi təntənəli şəkildə qeyd ediləcək.
Vüsalə Camal