Hücum etmək istəyən düşmən itki verərək geri oturdulub
2020-10-27 10:00
Ötən gün və bu gecə döyüş əməliyyatları əsasən cəbhənin Xocavənd, Füzuli və Qubadlı istiqamətlərində davam edib. Hücum etmək cəhdlərinin qarşısı alınan düşmən itki verərək geri oturdulub. Düşmənin 18-ci motoatıcı diviziyasının ön idarəetmə məntəqəsi məhv edilib. Ölənlər arasında diviziyanın qərargah rəisi polkovnik Sergey Şakaryan da var. Cəbhənin müxtəlif istiqamətlərində ermənilərin xeyli sayda canlı qüvvəsi, eləcə də 1 T-72 tankı, 4 D-30 və 3 D-20 topu, 1 “Osa-AKM” ZRK, 1 BM-21 “Qrad” yaylım atəşli reaktiv sistemi, 1 radiolokasiya stansiyası və 6 avtomobil texnikası məhv edilib və sıradan çıxarılıb. Hazırda qoşunlarımız əməliyyat şəraitinə nəzarət edir.
Fərid Mehdiyev