Gəncədə Heydər Əliyev prospekti bina 3 ünvanında yerləşən, 3 mərtəbəli binanın dam örtüyündə yanğın baş verib. Gəncə şəhər Yanğından Mühafizə İdarəsinin yanğınsöndürənləri əraziyə cəlb edilib. Dam örtüyünün 300 kvadratmetr sahəsi yanıb, 50 nəfər bina sakini təxliyə olunub. Alov söndürülüb. Hadisə zamanı özünü pis hiss edən bir neçə sakinə tibbi yardım göstərilib. 1971-ci il təvəllüdlü A.Tanrıverdiyev isə əlindən yüngül xəsarət alıb. Olayın başvermə səbəbi araşdırılır.
Ucarın Əlikənd kəndində də ümumi sahəsi 120 m² olan birmərtəbəli fəaliyyət göstərməyən orta məktəb binasının bir otağı yanıb. Alov söndürülüb.

Vüsalə Cənnətova