Gəncədə evlərin birindən 39 min manat nağd pul, ümumi dəyəri 10 min manat olan müxtəlif məişət əşyaları və 5500 manat dəyərində müxtəlif qızıl-zinət əşyaları oğurlanıb. Əməli törədən şəhər sakini, əvvəllər məhkum olunmuş Zorxan Rzayev saxlanılıb. Digər tədbirlərlə Yusif Cabbarov, Rəşad Ələkbərov, Ülvi Novruzov və Vüsal Əsgərov tutulublar. Üzərlərindən “tiryək” və “metamfetamin” aşkarlanan Ələkbərov və Novruzovun oğurluq etmələri də məlum olub. Bundan başqa quldurluq edən şəxslər də saxlanılıblar. Araşdırmalar zamanı Kənan Orucov və Alpaşa İbrahimovun mağazaya daxil olaraq satıcını bıçaqla hədələyərək 100 manat pul və 1 qutu siqaret alması bundan başqa Orucovun satıcıya bıçaq xəsarəti yetirməsi müəyyən edilib.