Gəncədə oğurluq etməkdə şübhəli bilinən şəxslər saxlanılıb. Mənzildən ümumi dəyəri 2383 manat olan qızıl-zinət əşyalarını oğurlayan Elşad İbrahimov saxlanılıb. Onun 7 baş xırdabuynuzlu heyvanı oğurlaması da məlum olub.
Dəyəri 4170 manat olan müxtəlif təyinatlı elektrik avadanlıqları oğurlayan Murad Qasımov və ümumilikdə 1300 manat dəyərində müxtəlif məişət əşyalarını oğurlamaqda şübhəli bilinən Kənan Rüstəmov saxlanılıblar. Faktlarla bağlı araşdırmalar davam etdirilir.

Fərid Mehdiyev