Gəncədə idmançılarla görüş keçirilib. Həştərxanda boks üzrə Xəzəryanı ölkələr arasında keçirilən beynəlxalq turnirdə uğurlu çıxışları ilə yadda qalan boksçular və onların məşqçilərinin uğurlarından danışılıb. 6 idmançı ilə mübarizəyə qatılan boksçularımız 3 qızıl, 2 gümüş və 1 bürünc medal qazanıblar və komanda hesabında 2-ci olublar. Fəxri kürsüyə yüksələn idmançılarımızdan 4-ü Gəncə təmsilçisidir. Görüşdə həmçinin Powerliftinq üzrə Moskvada keçirilən Dünya çempionatında mükafat qazanan Elnur Əliyev də iştirak edib. Yarışlarda müvəffəqiyyət qazan idmançılara fəxri fərmanlar təqdim olunub.

Vüsalə Cənnətova