Gəncədə avtomobili sərxoş vəziyyətdə idarə edən sürücü həbs edilibGəncədə yol polisi nəzarət-yoxlama tədbirləri zamanı “Volkswagen” və “Niva” markalı avtomobillərin sürücülərinin qanunla qadağan edilmiş səs siqnalından istifadə etməsini müəyyənləşdirib. Sürücülər barəsində tərtib olunan protokol məhkəməyə göndərilib. “VAZ-2107” markalı avtomobilin sürücüsü, Gəncə sakini Amil Şərifov yol-hərəkəti qaydalarını pozduğu üçün inspektor tərəfindən ona “saxla” işarəsi verilib. Yoxlama zamanı həmin şəxsin sərxoş olduğu aşkarlanıb. Sürücü 15 sutka müddətinə inzibati qaydada həbs edilib. Avtomobilə konstruksiya dəyişikliyi edərək digər hərəkət iştirakçılarına təhlükə yaradanlar barəsində də qanunamüvafiq tədbir görülüb.

Vüsalə Cənnətova