Gecə saatlarından yağan qar Şuşada nəqliyyat vasitələrinin hərəkətində çətinliklər yaradıb. Temperaturun aşağı düşməsi rayonun dağ yollarında buzlanmaya səbəb olub. Yolların qardan təmizlənməsi üçün texnikalar cəlb olunub, iş aparılır. *** Dağ rayonu olan Gədəbəydə də qarlı-şaxtalı hava şəraiti davam edir. Rayon mərkəzində qarın qalınlığı 10 santimetr, kəndlərdə isə 25-30 santımetrə çatıb. Gecə saatlarından etibarən avtomobillərin təhlükəsiz hərəkətini təmin etmək üçün ağır texnikalar və işçi qüvvəsi yollara səfərbər olunub. Hazırda dağ kəndlərini rayon mərkəzi ilə birləşdirən yolda, eləcə də Şəmkir-Gədəbəy yolunda qabaqlayıcı tədbirlər görülür, qum-duz qarışığı səpilir.