Rumıniyanın paytaxtı Buxarestdə keçirilən Avropa çempionatında yunan-Roma güləşçiləri çıxışlarını başa vurublar. Son gündə Azərbaycanın daha 2 güləşçisi Avropa çempionu olub, 1-i gümüş medal qazanıb. Nihat Məmmədli 60 kq və Həsrət Cəfərov 67 kq-da həlledici dueldə qalib gələrək, fəxri kürsünün ən yüksək pilləsinə qalxıblar. Finalda rəqibinə məğlub olan Ülvü Qənizadə isə ikinci yeri tutub. Bu nəticə ilə Azərbaycan millisi komanda hesabında ikinci olub.

Azad Mustafayev