Lənkəranda gözəllik salonunda 12 kiloqrama yaxın narkotik və 23 ədəd saxta 100 ABŞ dolları əsginasları aşkarlanıb. Şübhəli şəxs qismində Lənkəran rayon sakinləri İsmayıl Hüseynli və tanışı İlahə Məmmədova saxlanılıb. Həmin şəxslər narkotik vasitəni və saxta əsginasları şəxsiyyəti istintaqla araşdırılan “Əfşin” adlı İran vətəndaşından satışını təşkil etmək məqsədi ilə əldə ediblər.
Keçirilən digər əməliyyatla isə rayonun Göyşaban kənd sakini Ramiz Fərzullazadədən heroin, nömrəsi silinmiş “Mosin” markalı yivli karabin və 3 ədəd patron aşkarlanaraq götürülüb. Faktlarla bağlı araşdırmalar aparılır.
Nərgiz Camalzadə