Goranboyda polislərə müqavimət göstərən şəxs saxlanılıb
2020-11-23 14:07
Noyabrın 22-də Goranboy Rayon Polis Şöbəsi əməkdaşlarına qarşı zor tətbiq olunması ilə bağlı Rayon Prokurorluğuna məlumat daxil olub. Araşdırmalarla Polis Şöbəsi Cinayət Axtarış Bölməsinin baş əməliyyat müvəkkili Emin Şirinov və əməliyyat müvəkkili Elgün Teymurzadə rayon ərazisində oğurluqla əlaqədar daxil olan məlumat əsasında hadisə yerinə çıxıb, xidməti vəzifələrini icra edərkən Bevdalı Alışanovun onlara qarşı zor tətbiq etməklə müqavimət göstərməsinə şübhələr müəyyən edilib. Faktla bağlı cinayət işi başlanıb. Alışanov şübhəli şəxs qismində tutularaq istintaqa cəlb olunub.
Vüsalə Camal