Goranboy rayonunun Qarasüleymanlı kəndində azyaşlı, 2008-ci il təvəllüdlü qız üçün nişan mərasimi keçirilməsi barədə polisə məlumat daxil olub. Daxili İşlər Nazirliyinin Gəncə regional qrupunun baş inspektoru Eşqin Qasımovun verdiyi məlumata görə, polis əməkdaşları tərəfindən mərasimin qarşısı alınıb. Tərəflərin valideynləri polis orqanına dəvət olunaraq onlarla profilaktik söhbətlər aparılıb və qanunvericiliyin tələbləri izah edilib.