2021-02-26 18:04

Xocalı soyqırımının 29-cu ildönümü ilə əlaqədar Azərbaycanın Gənclər Fondu və Türkiyə Gənclər Fondu tərəfindən İstanbul şəhərində silsilə tədbirlər təşkil olunub. İstanbulda fəaliyyət göstərən yerli və xarici media qurumlarına Türkiyə gəncləri adından Aya Sofya məscidi qarşısında bəyanat səsləndirilib. Bəyanatda Xocalı soyqırımının tanınması və cinayətkarların məsuliyyətə cəlb olunması ilə bağlı beynəlxalq təşkilatlara çağırış səslənib və soyqırımı həqiqətlərinin yayılmasında Azərbaycanla həmrəylik ifadə edilib. Ankara şəhərində də "29-cu ilində Xocalı soyqırımının düşündürdükləri" mövzusunda sərgi və konfrans keçirilib.

Fərid Mehdiyev