2020-02-04 10:04

Gəncədə 85 illik tarixə malik olan 10 nömrəli tam orta məktəb üçün yeni binanın tikintisinə hazırlıqlar gedir. Əsas korpus və yardımçı tikilidən ibarət olan təhsil ocağında söküntü işləri aparılır. İki mərtəbəli binanın yerində 2 korpusdan ibarət 760 şagird yerlik məktəb inşa ediləcək. Tikinti işlərinə martın əvvəlində başlanılacaq. Bununla paralel olaraq 5 nömrəli məktəbin cari təmiri aparılır. 3 korpusu olan 1176 yerlik təhsil ocağında elektrik xətləri tamamilə yenilənib. 719 şagirdlik 43 nömrəli məktəbdə isə texniki problemlər aradan qaldırılır, 2 mərtəbəli korposun 51 sinif otağında istilik sistemləri yenilənir. Təhsil İdarəsinin müdiri Anar Qədiməliyevin sözlərinə görə, nazirliyin xidmət qrupu da lazımı işlərlə məşğuldur.

Vüsalə Camal