Gəncənin icra başçısı obyekt sahiblərinə xəbərdarlıq edib
2020-03-31 12:03
Gəncə Şəhər İcra Hakimiyyətinin başçısı Niyazi Bayramov sahibkarlara xəbərdarlıq edib. Şəhər meri ərzaq mağazalarına baş çəkib, mövcud vəziyyət və qiymətlərlə maraqlanıb. Yarana biləcək süni qiymət artımı və digər neqativ hallarla bağlı qanuna müvafiq qaydada tədbir görüləcəyini obyekt sahiblərinin diqqətinə çatdırıb. İcra başçısı Nazirlər Kabineti yanında Operativ Qərargah tərəfindən qəbul edilən xüsusi karantin rejimi qaydalarına məhəl qoymayaraq küçəyə çıxan sakinlərlə də söhbət edib. Zərurət qarşısında qalaraq evdən çıxan sakinlərə ehtiyyatlı davranmağı, qoruyucu maska və əlcəklərdən istifadə etməyi tövsiyyət edib.
Vəfa Şairova