2021-06-12 10:05

Gəncədə, şəhərin Heydər Əliyev Prospektində yerləşən 4 mərtəbəli binanın sonuncu mərtəbəsində yanğın hadisəsi baş verib. Hadisə yerinə FHN-nin yanğınsöndürən avtomobili və canlı qüvvəsi cəlb olunub. Qonşu mənzilə də keçən yanğının qazsızmasından baş verdiyi ehtimal olunur. Yanğın zamanı 3 nəfər - 40 yaşlı Cabbarov Mirmehdi Mirağa oğlu, 59 yaşlı Rzayev Ruzigar Salman oğlu və 55 yaşlı Rzayeva İradə Oktay qızı yanıq xəsarəti alıb. Onlar xəstəxanaya çatdırılıblar. Bina sakinləri təxliyə edilib. Alov söndürülüb.

Fərid Mehdiyev