2020-05-16 12:05

Gəncə polis əməkdaşları Kəlbəcər sakini Elnur Alməmmədovun şəhərə daxil olması barədə xüsusi icazəsinin olub-olmamasını yoxlayan zaman o, “Liderpress.az” MMC-də işlədiyini bildirib. Həmin müəssisənin xidməti vəsiqəsini polisə təqdim etdikdə isə onun saxta olduğu müəyyən edilib. Elnur Alməmmədov ilkin dindirilmə zamanı həmin vəsiqəni özü hazırladığını etiraf edib. O, şəhər ərazisinə sərbəst şəkildə daxil olmaq üçün bu yola əl atdığını bildirib.

Elnur Alməmmədov – “Evdə printerim var idi. Həvəsə gəldim baxdım gördüm düzəlir. Sonra üzlük tapıb yapışdırdım. Yəni fikirləşdim hansısa karantində polis postlarından keçə bilərəm. Oda gəldim göstərəndə polis əməkdaşları gördü saxtadı bura dəvət etdilər”.

Fərid Mehdiyev