Gəncədə qazanxanaların fəaliyyətində problem olmayacaq
2020-11-21 16:09
"Azəristiliktəchizat"ın Gəncədə xidmət etdiyi istixanalar qış mövsümü başlayandan istifadədədir. Mövsüm ərzində 17 qazanxananın fasiləsiz fəaliyyəti üçün lazımi işlər görülüb. Gəncə İstilik Sistemləri İdarəsinin balansında Qarabağ əlilləri və şəhid ailələrinin yaşadığı bina ilə yanaşı, 6 məktəb, 4 uşaq bağçası, 6 səhiyyə ocağını istiliklə təmin edən qazanxana var. Mövsümə hazırlıqla bağlı bütün qurğularda cari təmir işləri aparıb, qaz xətlərində olan sızmalar aradan qaldırılıb, su borularında sınaqlar edilib. Fəaliyyət dövrü noyabırın 15-dən aprelin 15-nə kimi olan qazanxanalar istər maddi cəhətdən, istərsə də təhlükəsizlik baxımından olduqca sərfəlidir.
Vüsalə Camal