Gəncədə qanvermə aksiyası baş tutub
2020-04-17 14:05
“17 Aprel - Ümumdünya Hemofiliya Günü” münasibətilə Gəncədə könüllü qanvermə aksiyası reallaşıb. Gəncə Avtomobil Zavodunun kollektivi “Qan ver, həyat xilas et” devizi ilə donor olublar. Mərkəzi Qan Bankının Gəncə bölməsində keçirilən aksiya zamanı qan verənlər müayinədən keçib, daha sonra onlardan qan götürülüb. Məqsəd ictimaiyyətin diqqətini hemofiliyalı xəstələrin problemlərinə cəlb etmək və onların həyat keyfiyyətinin yaxşılaşdırılmasına dəstək olmaqdır.
Nərgiz Camal