2020-12-12 16:09

Gəncədə polis yerli sakin, əvvəllər məhkum olunmuş 40 yaşlı Qəhrəman Qəhrəmanovu saxlayıb. Üzərindən 2 qram “heroin”, evindən 1 qram maye halında “heroin”, toz halda çəkisi 3.45 qram “heroin” və 0.77 “metofetamin” aşkar edilərək götürülüb. Qəhrəmanovun qonşusuna məxsus evdən 10 000 manat pul və 5000 manat dəyərində geyim və ev əşyalarını oğurladığı da məlum olub. Bundan başqa, noyabrın 27-də şəhərdəki geyim mağazalarının birindən 10 000 manat dəyərində müxtəlif geyim əşyalarını oğurlamaqda şübhəli bilinən şəhər sakini, əvvəllər məhkum olunmuş 41 yaşlı Razi Rzayev də saxlanılıb. İlkin dindirilmə zamanı o oğurladığı əşyaları sataraq pulunu xərclədiyini etiraf edib.

Vüsalə Camal