Gəncədə lokomotiv deposunda işlərin 70%-i yekunlaşıb
2020-05-05 14:04
Gəncə Lokomotiv Deposunda tikinti işlərinin avqustun sonlarında yekunlaşması gözlənilir. Depoda işlərin 70%-i görülüb. Ümumi avadanlıqların quraşdırılmasının ilin sonuna qədər başa çatdırılması planlaşdırılır. Zazalı və Gəncəçay stansiyalarının arasında inşa olunan depo lokomotivlərin cari texniki vəziyyətinin saxlanılmasını və mütəmadi olaraq profilaktik baxışların həyata keçirilməsini təmin edəcək. Layihə çərçivəsində ərazidə əsas təmir binasının və 2 mərtəbəli inzibati binanın, eləcə də transformator məntəqəsinin və digər yardımçı şəbəkələrin tikintisi aparılır.
Nərgiz Camal