Gəncədə kişi keçmiş həyat yoldaşının üzərinə benzin tökərək yandırıb
2020-04-06 10:06
Gəncədə baş verən dəhşətli hadisənin təfərrüatları məlum olub. Belə ki, ata evində yaşayan 34 yaşlı Könül Abbasova keçmiş həyat yoldaşı 35 yaşlı Simon Abbasovun ona od vurması nəticəsində yanıq xəsarətləri alıb. Uzun müddətdir, ayrı yaşayan tərəflər arasında boşanma məhkəməsi səbəbindən mübahisə yaranıb. Bu zaman Simon Abbasov evdən çıxıb və bir müddət sonra geri qayıdaraq özü ilə plastik qabda gətirdiyi benzini qadının üzərinə tökərək onu yandırıb. Yanıq xəsarətləri alan Könül Abbasova xəstəxanaya yerləşdirilib. Vəziyyətinin kafi olduğu bildirilir. Hadisəni törədən şəxs tutulub.
Fərid Mehdiyev