2020-06-02 18:03

Gəncə şəhərində əhalinin içməli su təchizatı və kanalizasiya xidmətlərindən istifadəsinin yaxşılaşdırılması məqsədilə həyata keçirilən layihə davam etdirilir. “Azərsu” ASC-nin məlumatına görə, hazırda icra olunan 4-cü mərhələ çərçivəsində su şəbəkəsinin 272 km-i, kanalizasiya şəbəkəsinin 165 km-i, magistral su xəttinin 20 km-i, kanalizasiya kollektorunun 51 km-i inşa edilib. Bu mərhələ çərçivəsində işlərin cari ilin sonuna qədər başa çatdırılması nəzərdə tutulur. Bununla da şəhər şəbəkəsinin 40%-nin yenidən qurulması təmin ediləcək.

Fərid Mehdiyev