2021-05-22 10:09

Gəncənin Nizami rayonunda sahəsi 456 m² olan evin ikinci mərtəbəsinin konstruksiyaları 120 m² sahədə və çardağı 100 m² sahədə yanıb. FHN əməkdaşları yanğını söndürüblər. Ağdamın Quzanlı qəsəbəsində sahəsi 700 m² olan tikintisi başa çatmayan mağazanın ikinci mərtəbəsinin tavanı 350 m² sahədə yanıb. Abşeronun Xırdalan şəhərində isə çoxmərtəbəli yaşayış binasının dördüncü mərtəbəsindəki ikiotaqlı mənzildə yanğınla nəticələnən partlayış hadisəsi baş verib. Tüstülənmiş evlərdən 14 sakini təxliyə olunub. Yanğın söndürülüb.

Fərid Mehdiyev