Gəncədə evdən icazəsiz çıxan koronavirus xəstələri saxlanılıblar
2020-11-23 12:10
Gəncədə polis əməkdaşları koronavirus testinin nəticəsi pozitiv çıxan 3 şəhər sakininin karantin qaydalarını kobud şəkildə pozaraq, evi tərk etdiyini, müxtəlif ünvanlara yollandığını aşkar edib. Şəxslər tibbi prosedurlar gözlənilməklə evlərinə göndəriliblər. Barələrində toplanan materiallar araşdırılır. Mingəçevirdə də koronavirus testinin nəticəsi pozitiv çıxan qadın özünütəcrid qaydalarını pozaraq yaşadığı ünvanı tərk edib. Polis şəhər sakinini evinə geri qaytarıb, barəsində cinayət işi başlanılıb. Ağstafa rayon prokurorluğunda isə rayon ərazisində "VAZ-2106" markalı avtomobillə sərnişin daşıyan koronaviruslu taksi sürücüsünə qarşı cinayət işi başlanılıb.
Vəfa Şairova