2020-10-30 15:08

Gəncə polisi koronavirus testinin nəticəsi pozitiv çıxan şəhər sakini Vasif Ənvərlinin karantin qaydalarını kobud şəkildə pozduğunu aşkarlayıb. Onun özünə məxsus bərbərxanada müştəri qəbul etdiyi, insanların sağlamlığını təhlükəyə atdığı məlum olub. Bundan başqa koronavirus infeksiyasına yoluxan şəhər sakini Sadiq Abdullayevin yaşadığı ünvanı tərk etdiyi müəyyən olunub. Polis əməkdaşları onun şəhər ərazisində yerini müəyyən edərək yaşadığı evə göndəriblər. Faktlarla Gəncə Şəhər Baş Polis İdarəsinin İstintaq və Təhqiqat İdarəsində cinayət işi başlanılıb.

Nərgiz Camal