Gəncədə amputant futbol komandaları arasında turnir təşkil olunub
2021-05-03 16:02
Gəncədə amputant futbol komandaları arasında turnir təşkil olunub. "Qarabağ" Əlil Döyüşçülər Futbol Federasiyasının təşkilatçılığı ilə baş tutan yarışda 4 komanda iştirak edib. Mübarizəyə Bakının "Qarabağ" və "Abşeron", həmçinin turnirə ev sahibliyi edən Nizami yurdunun "Kəpəz" və "Gəncə" kollektivləri qatılıb. Ölkəmizdə 2 ilə yaxındır fəaliyyət göstərən amputant komandalar arasında mütəmadi olaraq birinciliklər təşkil edilir. Azərbaycanın amputant yığma komandası xarici ölkələrdə reallaşan yarışlarda iştirak edərək bir sıra nailiyyətlərə də imza atıb.
Vüsalə Camal