Gəncədə 30 ağacın kəsilməsinə qərar verilib
2020-05-26 16:04
Son günlər əsən güclü külək nəticəsində Gəncədə aşan 20 ağac doğranaraq ərazidən uzaqlaşdırılıb. Son iki ayda isə 35 təhlükəli ağac kəsilib. Vətəndaşlardan daxil olan 65 müraciət əsasında 30 ağacın yaratdığı təhlükə isə 10 günə aradan qaldırılacaq. Ağacların kəsilməsi onun növünə, yaşına, eləcə də quru olub olmamasına görə müəyyən edilir. Ümumilikdə isə qanunvericiliyə uyğun olaraq ağacı fərdi şəkildə kəsənlər inzibati qaydada 3-10 min manat arası, hüquqi şəxlər isə 20 min manata qədər cərimə olunur.
Vüsalə Camal