2021-04-26 18:06

Gəncədə polis yerli sakin, əvvəllər məhkum olunmuş X.Qurbanovu 452 qrama yaxın tiryəklə saxlayıb. Astarada narkotik vasitələrin qanunsuz dövriyyəsində şübhəli bilinən Elvin Ağayev və əvvəllər məhkum olunmuş Sədail Mövlanov saxlanılıblar. Ağayevin üzərindən 3 qramdan artıq tiryək aşkarlanıb. Evindən və həyətdəki yardımçı tikililərdən 23 kiloqram 510 qram heroin və 3 kiloqrama yaxın tiryək aşkarlanaraq dövriyyədən çıxarılıb. Məlum olub ki, şəxslər narkotiki xarici ölkə vətəndaşı vasitəsilə əldə edib. Abşeronda isə evlərdən 40 min manatdan artıq məişət əşyaları oğurlamaqda şübhəli bilinən Etibar Talıbov və Nicat Kərimov saxlanılıblar. Faktlarla bağlı cinayət işləri açılıb.

Nərgiz Camal