2020-01-25 12:07

Gəncə polisi dələduzluq edən şəxsləri saxlayıb. Daşkəsən sakini - əvvəllər məhkum olunmuş Elvin Mürsəlov rayonda bir neçə fermerlə əlaqə saxlayaraq çoban işləmək istədiyini bildirib, başqa fermerə borclandığını deyərək, onu ödəmək üçün pul istəyib. Elvinin qardaşı, keçmiş məhkum Rahib Mürsəlov özünü ferma müdiri, əlbir olduqları Cəbrayıl Abbasov isə onun sürücüsü kimi təqdim edib. Vətəndaşların pulunu mənimsəyən dələduzlar əldə etdikləri vəsaiti öz aralarında bölüblər. Onların eyni əməli Gəncədə həyata keçirmək istəyi isə alınmayıb. Faktlarla bağlı cinayət işi başlanıb.

Nərgiz camal