Azov dənizində dron hücumuna məruz qalan yük gəmisində həlak olan azərbaycanlılardan ikisinin şəxsiyyəti məlum olub. Məlumata görə, Palau bayrağı altında üzən gəmidə böyük mexanik Qismət Əliyev və kapitan Fuad Orucov həyatını itirib. Yaralılardan birinin Samir İbadzadə olduğu bildirilir. Xatırladaq ki, bu gün gecə saatlarında Taqanroq körfəzində heyətində ümumilikdə 25 nəfər Azərbaycan vətəndaşının olduğu “Natra” və “Zirkon” yük gəmiləri pilotsuz uçuş aparatlarının hücumuna məruz qalıb. Xarici İşlər Nazirliyinin məlumatına görə, hadisə nəticəsində ümumilikdə 5 Azərbaycan vətəndaşı həlak olub, 3 nəfər yaralanıb.

05 iyun 2026