Gələn ilin dövlət büdcəsi layihəsinə işğaldan azad olunmuş ərazilərdəki işlərlə bağlı düzəlişlər ediləcək
2020-11-23 12:00
2021-ci il üzrə hazırlanan dövlət büdcəsi layihəsində müəyyən düzəlişlər ediləcək. Maliyyə naziri Samir Şərifov bildirib ki, işğaldan azad olunan rayonlarda ilk olaraq təhlükəsizlik tədbirlərinin görülməsi vacibdir. Bu isə həmin ərazilərdə Ordu, Sərhəd Qoşunları, daxili işlər, təhlükəsizlik orqanlarının fəaliyyətinin təmin edilməsini, minatəmizləmə işinin təşkilini ön plana çıxarır. Bu vəzifələrin həyata keçirilməsi ilə bağlı maliyyə təminatının yaradılması dövlət büdcəsi layihəsində düzəlişlərin edilməsini şərtləndirir.
Vəfa Şairova