2020-09-04 14:04

İyul ayının 20-də Gədəbəy rayon sakini olan xanım Rayon Polis Şöbəsinə müraciət edərək tanımadığı 2 şəxsin yaşadığı evə qeyri-qanuni daxil olaraq, zorla 1000 manat pulunu və mobil telefonun alaraq qaçdıqlarını bildirib. Əməliyat-axtarış tədbirləri nəticəsində hadisəni törətməkdə şübhəli bilinən Şabran sakini Natiq Zülfüqarov və onun yetkinlik yaşına çatmayan oğlu şübhəli şəxs qismində saxlanılıb. Məlum olub ki, şəxslər ev sahibini az yaşlı övladı ilə parkda gəzən zaman görüblər, daha sonra onu təqib edərək yaşadığı evi müəyyən ediblər. İstintaq zamanı atanın Şəmkir ərazisində oğurluq, yetkinlik yaşına çatmayan oğulun isə Bakıda oxşar soyğunçuluq cinayəti törətdiyi məlum olub.

Nərgiz Camal