2020-02-27 18:00

Gürcüstanın Azərbaycanla sərhəddə yerləşən “Qırmızı körpü” sərhəd-keçid məntəqəsində sərnişinlərin intensiv tibbi müayinəsi həyata keçirilir. Gürcüstanın Daxili İşlər Nazirliyinin yaydığı məlumata görə, məntəqədə tibbi heyət daimi olaraq növbə çəkir. Burada sərnişinin sağlamlıq durumu ilkin qiymətləndirilir və müvafiq yoxlamalar aparılır. Ölkəyə daxil olanların səfər tarixçələrinə də xüsusi diqqət yetirilir. Zərurət yarandığı halda, tibbi briqada çağırılır və müvafiq prosedurlar həyata keçirilir. Koronavirusla bağlı Gürcüstan və Azərbaycanın Xarici işlər nazirləri arasında müzakirə də aparılıb.

Fərid Mehdiyev