Gürcüstan Bankında daha bir qarət
2020-10-22 17:05
“Gürcüstan bankı” daha bir insident yaşayıb. Bankın Kabuleti ərazisindəki inkassatoru qarət edilib. İlkin məlumata görə, avtomobildən 75 min lari - 39 720 manat götürülüb. Hadisə yerinə hüquq-mühafizə orqanlarının əməkdaşları cəlb edilib. Qeyd edək ki, “Gürcüstan bankı”nın Zuqdidi filialına ötən gün həyata keçirilən silahlı basqın zamanı 43 nəfər girov götürülüb. Girovların sərbəst buraxılması müqabilində 500 min dollar tələb edən cinayətkar axşam saatlarında bankdan uzaqlaşıb. Onun axtarışları davam etdirilir. Hadisə zamanı xəsarət alan olmayıb.
Vüsalə Camal