Gürcüstanın Mərkəzi Seçki Komissiyası ötən gün keçirilən parlament seçkilərinin ilkin nəticələrini açıqlayıb
2020-11-01 10:09
Gürcüstanın Mərkəzi Seçki Komissiyası ötən gün keçirilən parlament seçkilərinin ilkin nəticələrini açıqlayıb. Nəticələrə əsasən, Gürcü Arzusu Partiyası 49,32%, Vahid Milli Hərəkat Partiyası 25,94%, Avropalı Gürcüstan Partiyası isə 3,77% səs əldə edib. Gürcüstanın azərbaycanlıların yaşadıqları bölgələrini əhatə edən Marneuli-Qardabani və Bolnisi-Dmanisi-Tetritskaro-Tsalka seçki dairələrində Gürcü Arzusu Partiyasının deputatlığa namizədləri 60 %-ə yaxın səs əldə ediblər. MSK-dan qeyd olunub ki, Tbilisinin bütün birmandatlı seçki dairələrinin parlament seçkilərində qalibi müəyyən etmək üçün ikinci tur tələb olunacaq. Gürcüstan üzrə bəzi regionlarda da ikinci turun keçiriləcəyi mümkündür.
Nərgiz Camal