2021-04-19 18:10
Polşanın paytaxtı Varşavada güləş üzrə Avropa çempionatı davam edir. 57 kq-da Əfqan Xaşalov 1/8 finalda yunanıstanlı, növbəti raundda isə Rumıniya təmsilçisini məğlub edərək, yarımfinala vəsiqə qazanıb. Onun bu mərhələdəki rəqibi Rusiyalı pəhləvan olacaq. 65 kq çəki dərəcəsində mübarizə aparan Əli Rəhimzadə 1/4 də Gürcüstan idmançısından güclü olub. O da finala çıxmaq üçün Rusiya təmsilçisi ilə güləşəcək. Ölkəmizi 70 kq-da təmsil edən Gəncəli idmançı Turan Bayramov Böyük Britaniya ardınca isə türkiyəli güləşçisini mübarizədən kənarlaşdıraraq, yarımfinala adlayıb. Bayramov final uğrunda Ukraynalı idmançı ilə üz-üzə gələcək. 79 kq-da yarışan Rəşad Yusifli isə ardıcıl olaraq, Bolqarıstan və Belaruslu rəqibləri üzərində qələbə qazanaraq, yarımfinal gürüşünə vəsiqə əldə edib. Yusifli həlledici görüş uğrunda Fransalı idmaçının kürəyini yerə vurmağa çalışacaq.
Nərgiz Camal