Güləşçilərimiz Avropa çempionatında 3 medal qazanıblar
2021-04-21 10:10
Varşavada güləş üzrə Avropa çempionatında ikinci günə yekun vurulub. Sərbəst güləşçilərin ilk medal günündə 5 dəst mükafat öz sahibini tapıb. Azərbaycan millisinin 5 pəhləvanı həlledici görüşə çıxıb. Əfqan Xaşalov bürünc medal uğrunda görüşdə belaruslu təmsilçi ilə qarşılaşıb, karyerasında ilk dəfə böyüklər arasında Avropa üçüncüsü olub. Əli Rəhimzadə Ukrayna idmançısı ilə qarşılaşmada sevinən tərəf olub – 3:2. Avropa çempionatının bürünc medalına sahib çıxıb. Turan Bayramov finaladək rəqib tanımayıb. Həmyerlimiz həlledici görüşdə Rusiya idmançısı ilə üz-üzə gəlib. 1:3 hesabı ilə uduzan güləşçimiz gümüş medalla kifayətlənib.
Fərid Mehdiyev