2021-06-10 10:07

Gəncəyə yağan leysan yağışlar nəticəsində bir neçə ev həyətyanı sahəsi ilə birlikdə su içində qalıb. Axşam saatlarında yağan güclü yağış səbəbindən şəhərin Məhsəti qəsəbəsində 10-a yaxın evin həyətinə yağış suları dolub. Bununla yanaşı, küçə yollarında hərəkətdə də çətinliklər yaranıb. Dünən axşam saatlarında Daşkəsən rayonunda da güclü yağış yağıb, dolu düşüb. Yağıntılı hava şəraiti səbəbindən avtomobil yollarında nəqliyyatın hərəkəti qismən dayanıb. Nəticədə meyvə ağaclarına, fərdi təsərrüfatlara müəyyən ziyan dəyib. Yağıntılı hava şəraiti qərb rayonlarından - Göygöl, Gədəbəy, Şəmkir və Samuxda da müşahidə olunur.

Fərid Mehdiyev