2021-09-07 14:10

Göygöl Rayon Mərkəzi Xəstəxanasının Ailə Sağlamlıq Mərkəzində bəzi şəxslərə COVID-19 əleyhinə vaksinasiya edilmələri ilə bağlı saxta sənədlərin verilməsi barədə daxil olmuş müraciət əsasında rayon prokurorluğunda araşdırma aparılıb. Tibb mərkəzinin böyük tibb bacısı Ülviyyə Quliyevanın COVID-19 əleyhinə peyvənd olunmadıqları halda bir neçə şəxsə tibbi sənədlər tərtib edərək həmin məlumatları elektron məlumat bazasına yerləşdirməsinə əsaslı şübhələr müəyyənləşdirilib. Faktla bağlı cinayət işi başlanıb.

Nərgiz camal