Göygölün Toğanalı kəndində partlayışla nəticələnən yanğın olub. Hadisə nəticəsində 1948-ci il təvəllüdlü Taryel Hüseynov bədənin çox hissəsinin yanığı diaqnozu ilə xəstəxanaya yerləşdirilib, vəziyyətinin ağır olduğu bildirilir. Kürdəmirin Quşlar kəndində də ümumi sahəsi 85 m² olan kürsülü birmərtəbəli evdə yanğın çıxıb. Fövqəladə Hallar Nazirliyi əməkdaşlarının müdaxiləsilə alov söndürülüb, yaxınlıqdakı tikililər yanğından mühafizə olunub. Sabirabad şəhərində isə ümumi sahəsi 90 m² olan tikili içərisindəki 3 ədəd dəzgah və taxta materiallarla birgə yanıb. Bitişik köməkçi tikili alovdan mühafizə olunub.