Göyçayda 5300 cücə tələf olub
2020-03-03 12:03
Göyçayda cücə yetişdirmə sexində yanğın baş verib. Hadisə bu gün saat 9 radələrində rayonun İkinci Ərəbcəbirli kəndində qeydə alınıb. Sahibkar, 73 yaşlı Pünhan Süleymanov məxsus ümumi sahəsi 221 kvadratmetr olan cücə yetişdirmə sexində baş verən yanğının söndürülməsi üçün əraziyə Fövqəladə Hallar Nazirliyinin Göyçay Dövlət Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub. Yanğın nəticəsində 5300 cücə tüstüdən boğularaq tələf olub, 5200 cücə xilas edilib.
Vəfa Şairova