2021-05-29 10:00

İkinci Qarabağ müharibəsi bir daha Azərbaycan xalqının əzmini, iradəsini bütün dünyaya göstərdi və bu şanlı Qələbə tarixdə əbədi qalacaq. Bundan sonra Azərbaycan dövləti qalib dövlət kimi inkişaf edəcək. Azərbaycan xalqı müzəffər xalq kimi qürur hissi ilə yaşayacaq. Bunu Prezident İlham Əliyev Ağdamda rayon ictimaiyyətinin nümayəndələri ilə görüşdə deyib. Ermənistanın öz təxribatçı əməllərindən əl çəkmədiyini vurğulayan dövlət başçısı qeyd edib ki, xalqımızın, dövlətimizin təhlükəsizliyinə zərrə qədər təhlükə olduğu halda dərhal düşmən yerindəcə məhv ediləcək. Prezident İlham Əliyev son günlər ermənilərin sərhəddə törətdikləri təxribatlara da toxunub.

Nərgiz camal