Gəncədə ölümlə nəticələnən yol qəzası baş verib
2020-01-17 16:05
Gəncənin Nizami rayonu, Cavad bəy Rəfibəyli küçəsində yüksək sürətlə hərəkət edən "Niva" markalı minik avtomobili yol kənarındakı ağaca çırpılıb. Nəticədə bir nəfər ölüb, dörd nəfər ağır yaralanıb. Sürücünün sıxılmış vəziyyətdə qalan meyiti Fövqəladə Hallar Nazirliyinin müvafiq xilasetmə qüvvələri tərəfindən deformasiyaya uğramış avtomobildən çıxarılaraq aidiyyəti üzrə təhvil verilib. Yaralılardan biri - 17 yaşlı Hüseyn Yunisli Şəhər Təcilli Tibbi Yardım Xəstəxanasının Travmatologiya şöbəsinə yerləşdirilib.
Ruhəngiz Hacızadə