Almaniyada keçirilən futbol üzrə Avropa çempionatının qrup mərhələsinin III turunun Slovakiya - Rumıniya görüşü heç-heçə ilə yekunlaşıb - 1:1. E qrupunun Ukrayna - Belçika görüşündə isə hesab açılmayıb. Bu nəticədən sonra hər iki komanda xal sayını 4-ə çatdırsa da, top fərqində üstün olan Belçika qrupu ikinci sırada tamamlayaraq 1/8 finala vəsiqə qazanıb. F qrupunda Çexiya - Türkiyə qarşılaşması Türkiyə kömandasının 2:1 hesablı qələbəsi ilə yekunlaşıb. Gürcüstan - Portuqaliya matçı isə birincilərin qalibiyyəti ilə başa çatıb. 2:0 Avropa çempionatında 1/8 final cütləri Almaniya - Danimarka, Fransa - Belçika, İsveçrə - İtaliya, İspaniya - Gürcüstan, Portuqaliya - Sloveniya, Rumıniya - Niderland, Avstriya - Türkiyə, İngiltərə - Slovakiyadır. Qarşıalşmalara iyunun 29-da start veriləcək.

Vüsalə Cənnətova