2021-04-26 10:09
Futbol üzrə Türkiyə super liqasında 36-cı tura yekun vurulub. Fənərbağça evdə Kasımpaşa üzərində 3:2-lik qələbəyə sevinib. İspaniya La liqasının 32-ci turunda Atletik evdə lider Atletikodan, Barselona isə səfərdə Vilyarealdan 2:1 hesabı ilə üstün olub. Sevilya - Qranada görüşündə də meydan sahibləri eyni hesabla zəfər çalıblar. Futbol üzrə Fransa çempionatında 34-cü tur Lyon - Lille qarşılaşması ilə başa çatıb. Burak Yılmazın 2 qol 1 asistlə damğa vurduğu matçda Lille əzmkarlıq göstərərək rəqibini 3:2 məğlub edib. İngiltərə Liqa Kubokunun finalında "Mançester Siti" - "Tottenhem"i minimal hesabla yenib. "Uembli" stadionunda 7 773 tamaşaçının iştirakı ilə baş tutan görüşdə "şəhərlilərə" qələbəni gətirən qolu Emerik Laporte vurub.
Fərid Mehdiyev